AzerbaijanNews

Neftin 1 barreli 30 dollara düşdü. Bu o deməkdir ki, ölkəyə gələn pul azalır və daha da azalacaq. Sizcə, hökumət bu azalmış pulu xalqla oliqarxların arasında necə böləcək? İndiyəqədərki təcrübə göstərir ki, hökumət korrupsioner və oliqarxların gəlirlərinin azalmaması üçün hər şey edir, böhranın bütün hesabını da sadə insanlara yükləyir. Ədalətsizdir, xalq olaraq bizi narazı salır. Amma məntiqlidir. Biz nə vaxt özümüzə hökumət seçdik ki, hökumət də özünü xalqa borclu bilsin? Bu hökumət korrupsionerlərin, oliqarxların hökumətidir. Ona görə də, hər zaman onların mənafeyindən çıxış edir. Biz də millət olaraq qəbul etməliyik: bu ölkədə yalnız o zaman hökumətlər xalqa işləyəcək ki, onları xalq seçmiş olacaq.